S.P. Svik?
Kjartan Georg Gunnarsson forstjóri S.P. Fjármögnunar. Ber mikla ábyrgð.
Stöðugt eru að koma upp ný mál varðandi það, hvernig bankar og önnur fjármálafyrirtæki hafa hagað sér gagnvart almennum viðskiptavinum. Síðasta ljóta dæmið er uppljóstrun Þórdísar Bjarkar Sigurþórsdóttur, viðskiptafræðings, um það, hvernig S.P. fjármögnun, hefur leikið sér með vægi gjaldmiðla til að hafa fé af viðskiptavinum sínum með ólögmætum hætti. Með hreinum og beinum fjársvikum.
S.P. Fjármögnun hf var stofnað árið 1995 af sparisjóðunum, en Landsbankinn eignaðist ráðandi hlut í fyrirtækinu árið 2002 og taldist S.P. Fjármögnun hf eftir það vera dótturfélag bankans. Forstjóri S.P. Fjármögnunar hf um árabil hefur verið Kjartan Georg Gunnarsson, viðskiptafræðingur, og hlýtur hann að bera fulla ábyrgð á rekstri félagsins og á þessum lögbrotum Þess. Einnig bankastjórar Landsbankans með Sigurjón Þ. Árnason í broddi fylkingar. Þá hlýtur ábyrgð stjórnar S.P. Fjármögnunar hf að vera rík og til staðar bæði fjárhagsleg og refsileg. En ætla má, að þeir, sem þar hafa setið við kjötkatlana, hafi lagt blessun sína yfir fjársvikin.
Sigurjón Þ. Árnason bankastj.
Þórdís Björk, viðskiptafræðingur, ritar um þetta ítarlega blaðagrein í Morgunblaðinu í gær þann 28. október og lýsir þar í smáatriðum, hvernig svikin erum framkvæmd og úthugsuð. Þar er því ítarlega lýst, hvernig SP fjármögnun leikur sér með vægi gjaldmiðla í myntkörfulánum til að hækka greiðslur viðskiptavina sér í hag. Þá telur hún, að SP fjármögnun hafi í raun tekið upp sína eigin gjaldmiðla og viðmið til að geta hækkað höfuðstólinn og þar með greiðslubyrði lánann. Lýsir hún því einnig, hvernig S.P. Fjármögnun hf hefur einhliða og án samþykkis lántakenda breytt skilmálum og vægi gjaldmiðla í myntkörfum frá því lán voru tekin. En engar heimildir hafi verið til slíks í lánaskilmálum.
Neytendastofa hefur einnig komið að lögbrotum S.P. Fjármögnunar hf og telur, að félagið hafa brotið gegn ákvæðum laga um eftirlit með viðskiptaháttum og markaðssetningu. M.a. breytt samningsskilmálum um vaxtaálag, þegar lántakendur hafa leitað til félagsins vegna greiðsluerfiðleika.
Það sem Þórdís Björk hefur leitt í ljós auk Neytendastofu varðandi starfsaðferðir og lögbrot S.P. Fjármögnunar hf, þarf ekki að vera bundið við það fyrirtæki eitt og sér. Hvað með önnur fjármálafyrirtæki? Er ekki víðar pottur brotinn í þessu efni? Væri ekki full ástæða til að fara yfir lánaskilmála allra þessara fyrirtækja varðandi myntkörfulánin? Hafa þau líka leikið sama leikinn? Þær fjárhæðir sem S.P. Fjármögnum hf hefur haft af lántakendum með þessum hætti kann að skipta milljóna tugum ef ekki hundruðum milljóna.
S.P. Fjármögnun hf er rekin á brauðfótum þessa daganna og skammt er síðan, að félagið leitaði logandi ljósi eftir auknu hlutafé. Félagið er hins vegar í meirihlutaeign íslenska ríkisins í dag eftir yfirtöku þess á Landsbankanum. Mér er því spurn. Á hverjum koma endurkröfur lántakenda á hendur félaginu að lenda, þegar lántakendur vakna til lífsins og leita réttar síns? Verður það enn einn blóðtakan og skellurinn á íslenska skattborgara?
Það hlýtur að vera á verksviði Fjármálaeftirlitsins að skoða þessi lögbrot og taka á þeim. Draga þá aðila til ábyrgðar, sem að þeim hafa staðið, hverjir sem það eru. Og ekki aðeins S.P. fjármögnun hf heldur einnig önnur íslensk fjármálafyrirtæki, hverju nafni sem nefnast.
Raða: http://www.pistlar.com/?p=233
Skrifað af Kallinn
Á Oct 29 2009. Vistað undir Efst á baugi, Hrunið.
Þú getur fylgst með athugasemdum á RSS 2.0.
You can leave a response or trackback to this entry
